Li vaudés dóu Luberon

L'istòri di vaudés dóu Luberon enlusi li tensioun religiouso que van matrassa lou mounde chrestian à l’Âge Mejan e à la Reneissènço, e que menara au chaple de Mérindol à la primo 1545, que coustè la vido de 3 000 persouno en cinq jour, e rouinè 23 vilage dóu Luberoun, dóu tèms que quasimen 670 persouno eron mandado i galèro de Marsiho.
 
Lou ton d’aquèu article sara voulountaramen brutau pèr de que dins di tèms troubla, lis ome ne soun plus uman mai soun devengu di bèsti d’uno part coume de l’autre

A la debuto... Pierre Valdès èro un riche marchand de la vilo de Lyon.     Soun noum vertadié, tel qu’èro en franco-prouvençau (la lengo parla à Lyon à l'epoco) es pas couneigu. Souleto li reviraduro latino (Valdesius, proubablamèn vengudo de vallis densa, "valèio fougouso" , ou Valdus, Valdius, Valdensis, Valdecius) ié soun avenido.   Dins sa proufessioun de fès de 1180, se diso Valdesius. La mai respèndudo apelacioun Pierre Valdo (Pietro Valdo, Peter Waldo en inglès...), es "apoucrife e d'óurigino italiano. Lou pichot noum Pierre que iè dis souvènt remounto quant à èu à 1368, mai de 150 annado après la mort de Vaudés.   S’agisse d'uno counstrucioun pousteriouro de la coumunauta vaudéso de Sankt Peter in der Au, en Autriche, en remenbranço de l'aposto oumounime, Vaudés fuguè ansin counfirma coume lou foundatour de la glèiso Vaudéso.   Aclapa pèr la mort subitano de l’un de sis ami dins un acampado de plasi, décidè vers 1170 de renouncia au mounde, leissènt femo e nistoun. Vendè touti si bèn e partejè sa fourtuno en quatre part : une partido pèr sa femo, uno pour si fiho, une pèr aquèli que pensiè agué leisa e uno pèr li paure...   Trabaia à parti d’aro soulamèn à soun salut, s’acourdèn ansin à la "parabolo dóu jouine ome riche" (Matièu 19, 16-30), à l’eisèmple d'Alèisis de Roumo qu’avié aplica aquelo parabolo e qu’aviè escouta un passage de la vido countavo pèr un troubadou. Aquèu raconte lui faguè esprouva la desiranço de vièure mai proche dóu Christ, de segui desnuda lou Christ nu pèr segui l'ideau de paurige apoustouli, ès à dire segui la vido dis aposto.

Statue de Vaudès Mémorial Luther de Worms.

Engranè à predica dins li carriero de Lyon, ço qu’èsta alor enebi pèr la Glèiso que devendra plus lèu catoulico roumano (lou terme dato dóu siècle quatourgèn). Ma soulamen li capelan e li clergue poudièron lou faire. La Glèiso catoulico sudurè à la debuto la presènci de Valdés e de si disciple, souto coundicioun que predicon pas mai. Mai, aguènt brava aquèu interdi, fuguèron foro-bandi de Lyon par l'archevesque, Jean Belles-mains. Coumpousèn alor li proumié "vaudés", que ié disoun "paure de Lyon".  Après ague esta bouto-foro de Lyon, Valdés e si disciple visquèron coume oubrié agricolo, vivènt de l'óumorno e barulant de vilage en vilage. Semblo que li proumié vaudés n'aguèron jamai de verai vougu roumpeja emé la Glèiso, meme si Roumo les encupè d'eresio pèr pas agué segui li counsigno eclesiastico. Li vaudés se creseguèron d’èstre coume faguènt de mai partido de la Glèiso catoulico mai que fuguèron la pars benigna, e Roumo la pars maligna, rousigado pèr li pécat.   Lou "mouvamen" vaudés faguè lèu dis emule dins d'àutri regioun dóu miéjour de la Franço e en Italio de l’Uba pièi dins l’Age-Mejan, en Bohême.   En 1184, lou councilo de Vérone escoumuniè li Paure de Lyon...   Pierre Valdés èu-meme rebutè lou catarismo (la crousado dis Albigès (1209-1229) es d’aquelo epoco). Sariè mort à l’entour de 1206 alor qu’èu e soun mouvamen fuguèron proche d'uno repatriado emé la Glèiso, lou papo Inoucènt III siguènt dispousa à dialouga. Semblarié que la branco loumbardo dóu mouvamen, les Paure Loumbard, après uno courto revengudo entre 1208 e 1210 que ié acourdè lou dré de predica mai soulamen davans un auditòri esquicha, fuguè fore-jita e escoumenjado.

Ço que fa vèire que lou rejit di vaudés pèr la Glèiso vénié pas à la debuto de l'ideau de paureta mai dóu biai de prouna lou sacerdoce universèu (dré de predica pèr tóuti e meme li femo).   L'ideau vaudés de paureta inspirè en Italio de l’Uba un mouloun de mouvamen radicau desclara eretico : à la fin dóu siècle Tregèn lis Apoustoulico de Gherardo Segarelli ; au siècle Quatourgèn li spirituau radicau de l'ordre des fraire minour (fraticello) e li dolcinian.  Persécuta en Italio de l’Uba, li vaudés fuguèron aclapa dins li valèio alpino d'Italio, de Suso à la Ligourio.      Plantèron caviho, resistant à l'Inquisicioun pèr uno pratico discrèto de sa fès. Un tros d’èu fuguèron pamèns massacra pendènt la crousado contro li vaudés de 1488...   La crousado contro li vaudés de 1488 fuguè uno repressioun religiouso menado pèr l'inquisitour Alberto Cattaneo mandado pèr lou papo Inoucènt VIII à la demando de l'archevesque d'Embrun Jan Baile. Un espedicioun tentè d’espurga l'eresio vaudéso di valèio de Freissinières, de la "Vallis putas" (que devendrié Vallouise), de L'Argentière e dóu Val Cluson.   Lou fastigage avié coumença despièi la segoundo part dóu siècle quingèn. Louis XI, fasèn dré à n’aquesto requesto, dounavo di letro-patento, datavo d'Arras, pèr aquèli défènde escassamen de tafura li Vaudés, foro se la provo siguè facho que fuguèron d’eretico "encarado".   À sa mort, soun fièu lou rèl Charles VIII adóute uno poulitico forço mai escambalardo devers lis abus de la papauta, mèns qu'un nouvèu acto de repressioun es ordounna pèr l'évesque d'Embrun en 1487, enjust’après la mort de Louis XI.   Laisso se counstitua un armado pèr mena une crousado contro li vaudés. Dous cors d’armado soun leva, is ordre d’Albert de Capitaneis, pèr li coumbatre sus dous aisse : de Franço vers Vallouise, Pragela via Sezanne e dóu Piémount vers lou vau d'Angrogne.   Mandata pèr li vaudés pèr negoucia, dous sendi de Freissinières, Pellat e Angelin Pallon arribèron à Embrun, mai sèns instrucioun preciso. La part de l'armado cargado d’aquesto crousado dins aquèu seitour fuguè menado pèr Oronce Emé, juge-mage dóu Briançounais, Jean Rabot, counseiaire delphinau, Hugues de La Palu, liò-tenènt dóu gouvernour du Dauphinat, e Alberto Cattane, l'inquisitour dóu papo.   D’ùni raconte countesta disoun que pèr tenta d'escapa i sóudard dóu papo e dóu rèi Charles VIII, li pacan se soun recata dins la Baumo Chapelue, dins lou valoun de Claphouse sus li ribo dóu gaudre de Celse Nière, en Vallouise. Mai ié soun reganta e dèvon s'assousta, li sóudard atubèn de fió pèr li estoufa dins la baumo.   L'Inquisicioun parlavo de cafourno, mai li Vaudés que se sian assousta ne passiguèron qu'uno nue en jujèn la défenso impoussiblo e rentravon encò d’éli.   En 1489, lou Prince dóu Piémount Charles II fa acaba aquèsto guerro.   Pamens en 1500 Marguerite de Foix, véuso dóu marquès de Saluces, mate li vaudés de la Nauto Valéio dóu Pô (Pravihelm, Biolets, Bietoné) que s’assouston dins lou vau Luzerne. Pièi, óutenièron un acord de liberta de fé.   Dins lou meme tèms en Italio, Catherine de Sienne e lou douminican Savonarole, créma sus lou làupi en 1498 à Florence, fan vèire que li tensioun religiouso podon destrantaia lou païs mai tambèn durbi un nouvelun.   En Franço, li vióulènci de la crousado contro li vaudés a mena li vitimo à faire apèu au rèi de Franço di desarestado e violenci endurado. Sara un sucessour de Charles VIII qu’entendiguè si demando.   La sentènci de 1509, rendudo pèr Louis XII, li realitè soulennellemen e ié permiguè "teouricamen" de recoubra si bèn coufisca. Pèr ié remercia, èu e soun predecessour Louis XI, qu’avié débuta à metre fin i persecucioun, an douna lou noum de Louis à si valéio, que despuèi se diso la Vallouise. Avans se disié "Vallis putas" (la marrido valéio pèr li catoulico), entèndiguè ansin rapela la proteicioun dóu rèi. Peravans, li plagnènt an óutouneigu lou manda en Dauphinat de dous coumissari qui recatèron di despousicioun contro li metodo d'Alberto Cattaneo.   En 1507, uno nouvello enquèsto recatè tournamai de gravo acusacioun contro lis abusanço de l'archevesque d'Embrun e lou coumissari apoustouli. Aquèli despousicioun soun conservado dins li memòri présenta pèr lis estejan di valéio briançounnaiso. Pèr l'enquesto de 1507, li coumessàri soun Geoffroi Boussart, canounge dóu Mans, qu’a remplaça Laurent Bureau, desfunta, e Antoine de La Colombière, canounge di glèiso de Vienne e de Valence, delega de Thomas Pascal, officiau d'Orléans.   Li vaudés en Prouvènço : istallacioun de 6 000 persouno dins lou siècle L'istalacioun de Vaudés dins lou Luberoun coumençè en 1399.   A la seguido d'uno longo campagno militari en Italio, Louis II, coumte de Prouvenço, a besoun de sòu. Met en vèndo di terro de pichoto valour, qui soun croumpa pèr li seignour de Boulier-Cental e de Roccasparvera.   Aquésti-d’eici, aguènt di bèn dins lou Piémoun, istalon sus aquèsti terro nouvelamen aquista une centeno de famiho de pacan piemountès, de religioun vaudéso : à Mérindol, Vaugines, Cabrières-d'Aigues.   Mentre 1460 e 1560, pas mèns de 1 400 famiho, siègue à pau près 6 000 persouno vengudo di dioucèsi aupin de Turin e d'Embrun que s'istalèron dins lou relarg dóu Luberoun.   Li dous-tiers d'èli soun ariba mentre 1490 e 1520, ço que permeteguè de faire targo à la casudo de 60 % de la poupulacioun à la fin de la guero de Cent Ans, emé vounge "countra d'abitacioun" pèr trège vilage dóu Luberoun.   Soun signa à Joucas (1460), Lourmarin (1480), Cabrières-d'Aigues (1495), Gignac (1501), Mérindol (1504), La Motte-d'Aigues (1505), Saint-Martin-de-la-Brasque (1506) e Peypin-d'Aigues (1506), Roquefure (1508), Murs (1508), Villelaure (1511) e Buoux (1512).   À Cabrières-d'Aigues, li 80 famiho que prenon caviho en 1495 vengon touti de la valéio de Freissinières mounte se debanarè, sèt an davans, la Crousado contro li Vaudés de 1488 e dous tiers dis arriban à Cabrières-d'Aigues figuron su la tiero dis estejan de Freissinières, alors secuta pèr eresio, qu’es counserva dins lis archièu dóu Parlamèn de Grenoble.   Se prenèn li 292 noum d’oustau identifia à Lourmarin, Cabrières-d'Aigues, e li trés vilage reganta en 1505 (La Motte-d'Aigues, Saint-Martin-de-la-Brasque e Peypin-d'Aigues), 245 vengon di sito vaudés dis Aup, siegue 84 %.   Li testimòni de l'epoco descrivon li Vaudés coume de bon trabaiaire, intègre, pagant si deto, d'uno grando pureta de mour. Afanant, si terro dounon de mai en mai, e si seignour vesoun si dividènde passa de "quatre escus à vue cent".   Pèr acreissamen naturau e pèr la vengugo de nouvèu Piémountés, prenon caviho tambèn à l’Uba dóu Luberoun : Gordes, Goult, Lacoste, ansin que de l'autro cousta de la Duranço à La Roque d'Anthéron.   S’acampèron dins dis endrè preferenci à d'autre e an envesti uno quaranteno de loucalita, d’un relarg à l’autre dóu Luberoun "en jougnèn coumo pèr un fiéu li sito dóu Luberoun mounte s'instalon, poudèn retrouba la géougrafio vaudése Piémountévo e dóufinéso, couneigudo desempuei pamèns lou siècle quatourgen" (Gabriel Audisio)   Li persecucioun primadiero En 1528, l'evesque d'Apt, Jan Nicolaï, coumenço à lanca di proucès en eresio.   Vers 1530, Jan de Roma, un douminicane, assemblo uno troupo e debuto alor chaple, vióulamen, tourturo, pihage, avans de s’encourre i Coumtat Venaissin. Lou rèi de Franço, inquiet d’aquest pihage, avié sesi contro èu lou Parlamèn de z’Ais...      Jean de Roma mourriguè quàuqui annado après de la pesto en Avignoun…   Es l'epoco de l'istalacioun dóu calvinismo à Genèvo. Devers 1530, li Vaudés dóu Piémount ié mandon quàuquis emissari.      En 1532, au sinode de Chanforan, lou mouvamen vaudés se restaco ouficiellamen i proutestantismo. Mentre 1532 e 1539, mai de 400 persouno soun poursègui pèr eresio en Prouvenço, que 93 % fuguèron Vaudès. Dins lou Coumtat Venaissin, propriéta dóu papo, lou vice-légat counfisco di terro de Vaudés pèr ié douna à di catouli. Lou papo Clément VII demando au rèi de Franço François Ier de faire de meme su lou pendis francès dóu Luberoun.  En estènt enrouda pèr Charles Quint, elegi en 1519 emperour dóu San Empèri Germanico, alors qu'avié l'Espagno, li Pays-Bas e un tros de l'Italio, François Ier fa pacho d’alianço emé l'empèri outoman de Souliman lou Magnifico, pèr lou traitat dóu 4 de febrier 1536 que se diso "di capitulacioun". Aquelo alianço faguènt escandalo ènco di catouli, poudèn mai agué un gàubi touleranto devers lis eretico. Lou Parlamèn de z’Ais coundano en 1532 sèt persounalita vaudéso, e demando i seignour loucau de counfisa li terro di Vaudés. Aquésti d’eici prenon lis armo e s'apounderon de Mérindol, Lacoste e de Cabrières-d'Avignon.   En 1534, de nouvelo coundanacioun sacon di Vaudés, qui soun libera pèr si coreligiounari en armo dis prisoun d'Apt, Cavaillon e Roussillon.   En nouvembre 1535, François Ier reclamo tournamai lou ducat de Milan e envahi la Savoio à la debuto de 1536. Charles Quint prende alors en persouno lou cap de soun armado pèr envahi la Prouvenço en trepassèn lou Var lo 25 de juiet de 1536, e s’apoude de Touloun, mai renounci à assieja Marsiho e reviro camin en setèmbre.   François Ier cerco alors à apasina la situacioun en Luberoun, e lou 15 de juiet 1535, acourdo lou perdoun i Vaudés que quiton sa lèi dins li sièi mès.

La persecucioun de 1545 Despièi 1540, li Vaudés an fa l’óujèt d'uno coundanacioun pèr l’édit de Mérindol. Aquèu arrest forço sevère coundanavo pèr countumaço dès-e-nòu eretico à estre crema e pourtavo que li vilage de Mérindol, Cabrière, les Aigues, e àutri lió qu’èron esta la sousto e lou recatadou dis eretico, saran desmouli, lis oustau arasado enjusquo foundamento ; li baumo e lis àutri rode sousterren que ié servien de lojo, agrasa; li fourest coupado, lis aubre fruchau deraba ; li capoulié e principèu revoulta eisecuta, e si femo e pichot foro-bandi à perpetuita d‘aquest lió.   Mai en 1544, li vaudès van èstre acusa d'aguè crema l'abadié de Senanco, proche de Gordo... Mai aguènt besoun de si sousten contro l’emperour Charles Quint, François Ier mando di letro de gràci is abitan persecuta en Prouvenço pèr cause de religioun. La retirado de Charles-Quint en 1545 va cambia li causi...  La fin de Mérindol En abrièu de 1545, Jan Maynier, baroun d’Oppède e proumié presidènt dóu Parlamèn de z’Ais lanço la persecucioun, menado pèr Paulin de La Gardo e Jousè d'Agoult.   Li vilage vaudés soun piha, lis ome matrassa vo manda i galèro, li femo vióulado pièi massacrado.

Jean Maynier Président du Parlement d'Aix organisateur du massacre

Lou 19, l’armado entrè sus li terro papalo, e se presentè davans Cabrières (actuau Cabrières-d'Avignon) mounte lou capoulié de la resistanço vaudéso Eustache Marron avié soun fièu. Li sieissanto ome e trento femo que restèron d’aquelo vilo faguèron semblant de se desfèndre pèr óutèni une capitatulacioun e la vido sauvo ié fuguè proumèso... Pièi se disié que ges de proumessé èro valablo envers dis eretico, e tóuti dins la vilo fuguèron sagata.   Aquèu que s’èron rascla de Cabrières fuguèron bèn lèu retrouba dins lou veisinage.      Vue cent persouno furguèro tuia, tant dins la vilo que deforo. Oppède ordounavo que li femo fuguèsson embara dins uno granièro pleno de paio, ounte se meteguè lou fió. Aqueli qui tentèron de se jeta pèr la fenestro fuguèron rebuta emé di cro e di pico.   D’àqui, li troupo se rendèron à La Coste, mounte lou seignour avié respoundu de la segreta dis estejan se pourtavon sis armo dins lou castèu e agrasavon si muraio en quatre endrès.   Lis estejan óubeissien ninoiamèn is ordre que i’avèn douna mai, à l’arrivado d’Oppède, li bourgado fuguèron cramado, la vilo fugè priso, e tòuti fuguèron engruma enjusqu’au darnié...