Crous de Toulouso, di marqués de Prouvènço, de Venasco, vo "d'èncò nostre" ?

Li douge bocho soun siegue   li 12 Apoustòli    li 12 mès    li 12 porto    li 12 marcho que permesson d'ajougne la Couneissènço Suprèmo    li 12 signo dóu Zoudiaque

e li très bocho de chasco branco repourgisson la Ternita…

Crous di marqués de Prouvènço ? En 948, Bousoun II de Prouvènço, Comte d'Arle, porto lou blasoun de Bousoun 1er Rei (usurpatour ?) de Prouvènço. A dous fièu Guilhen (dicho lou Liberatour) que ié sucediguè en 968 et Roubaud.  L'aganta de Sant Mayeul, ouriginàri d’Ate et celèbre Abat de Cluni, par les Sarrasin (972) et sa liberacioun contre rançoun, provouca uno moubilisacioun generalo fin de se desbarrassa definitivamen d'aquèu flèu.

Guilhen lou Liberatour e soun fraire Roubau, acreissegu de la glòri de si victòri devenon li mèstre incountesta de la Prouvènço, adóton l'emblèmo de soun paire et prenguèron le titre en indivisioun de Marquès de Prouvènço en 973, es-à-dire de cap militàri de la Margo de Prouvènço, qui s’espendissiè alors de l’Isèro à la Mediterragno.  Guilhen, perèu comte en Arle, fuguèsse lou foundatour avec Sant Mayeul du vilage de Sarrians. Ié foundiguè en 992 un mounastié de l’Ordre de Sant Benezet.  Quouro defunte en 993, se fai aclapa dins lou prièurat de Sarrians. Sis eiretié ié faguèron eleva uno capello de la Santo Crous qu'abritavo de segur un relicàri émè un tros de la crous vertadiero. Se iè trouba uno dallo funeràri emé uno crous coumo aquelo que ié parlon...

 

Crous de Venasco ? Roubaud, fraire de Guilhen, marquès de Prouvènço e comte en Avignoun, aguè uno chato, Emme vo Emma de Prouvènço, dito " de Venasco ", que se maridè, vers l’an 990, à Guilhen III Taio-Ferre, comte de Sant Gile.  Emé aquèu maridage, Emma apourta en verquiero un tros dóu Marquesat de Prouvènço (lou futur Coumtat Venessin) e de segur soun emblèmo, la Crous de Venasco, que fuguè (mai es pas segur) aquello de soun paire et de soun oncle, li marqués de Prouvènço.

 

Geofrès, felen de Guilhen, mort vers 1063, faguè esculta sus sa lauso uno crous tressado, alargado is estremita e cantouna de quatre flour. Emma de Venasco es esta counteiralo d'aquèu Geofrès.  L'Oustau de Venasco, procho de Sarrians, pourto aquèlis armo despièi mai de tèms... La descripcioun de l'an 1043 préciso qu'es èsta d'azur sus camp d'or. Lou sagèu de la famiho de Venasco, de 1094, repourgi aquesto crous emé touto si caracteristico.   Se trobo sus lou toumbèu de Geofrès de Venasco à l'abadié de Sénanco.

Uno autro lauso, aquelo de Francès de Thézan, es counserva au batejado. Se saup qu'un membre d'aquèsto famiho maridè la darrièro eiretièro de la famiho de Venasco.  Marquesat de Prouvènço en 1125

 

Crous de Gigondas ? Les armarié de Gigondas, vilage procho de Sarrians, pourtavo la memo crous, d'argent sus founs d'azur, tambèn despuei lou siecle dougèn, pamèns.

Gigondas Fourcauquié Adhémar de la Gardo

Noumbrous fuguèron li grand seignour de nosto regioun, vassau dis marquès de Prouvènço, que prenguèron pèr emblèmo uno crous dóu meme biai (aquelo de si segnour ?)

Crous de Fourcauquié ? En 1168, es apareigudo la crous de Bertrand II de Fourcauquié.

Sagèu de Guillaume III de Fourcauquié   Sagèu dòu comte de Fourcauquié en 1230

Toujour au siecle dougèn, aquelo d'Adhémar de la Gardo (Paréol) (Vèire en deforo) e aquesto di viscomte de Marsiho.

Coumo vesèn, la crous greco, pautato, cleichado, vuidado et poumetado a pèr òrigino lou Marquesat de Prouvènço (que devendra lou Coumtat Venessin).

Es greco car si branco soun de meme loungour  Es pautado (vo atesado) car si branco s'alarguisso dóu centre vers l'estèriour  Es cleichado car lis estremita se rebarron en fourmant uno pouncho saliènto  Es vuidado car escavado d'un biai à faire aparèise à l'intériour uno crous mai pichoto  Es poumetado car li poun saliènt soun courounna de bocho (très pèr branco).

Crous de Sant Gile ?

Croix de Toulouse ? Anfons-Jourdan et Ramoun V de Toulouso, sucessour de Ramoun IV de Sant Gile, empleguèron gaire aquesto crous...   Bulo de Ramoun V, atesta en 1171, pèr lou Marquesat de Prouvènço.    Fau atèndre Ramoun VI, en 1194 et 1222, pèr vèire la repareissado d'aquelo " crous greco à branco egalo , cleichado et poumetado d’or doun li pouncho di branco soun triplamèn bouletado et perlado ", que restara l’emblèmo di comte de Toulouso. Soun sagèu, utilisa dins lis acte dóu Marquesat pourto aquesto crous emé lou mot "Venaissini" (1222).  Pèr li comte de Toulouso, aquesto crous fuguè l’emblèmo de si titre de marquès de Prouvènço.   Va deveni l'emblèmo dóu Lengado... Sagèu de Jano Plantagenest, fremo de Ramoun VI de 1196 à 1199. Marquèso de Prouvènço, pourto la crous sus soun bras (regrandimen).

Crous di catare ?

D'autrì òurigino pousiblo d'aquesto crous ?

A Venasco, la lauso de l'évesque Bohétius (583-604) fuguè desclapa au siecle sieigèn. Presento di semblenço, emé la crous de Venasco couneigudo sieis vo sèt siècles mai tard "crous pautado et rousaço" Aquello lauso es visiblo à Nostre-Damo de Vido (Venasco)  A Toulouso, se trobo dis òurigino forço mai lunchenco à n'aquesto crous... Un autar gallo-rouman dóu siecle quatrèn, à Garin en Nauto-Garougno porto une crous à douge estremita. Au siècle cinquèn, uno mounedo frapa pèr li rèi visigoths, alors mestre de l’Aquitani, porto uno crous cleichado, tambèn émé douge estremita . I'a forço mai de tèms la crous copto à 12 bocho de Sant Maurise eisistavo au siecle quatrèn e èro utilisado pèr la gleiso copto d’Alessandrio e pèr lou Grand Patriarcat de Coustantinoplo.   Sant Maurise , qui siguè ounoura pèr li Burgoundo crestian que gouvernèron la Prouvènço, es lou Sant patroun dóu vilage de Caroumb.    Crous copto  Crous de Coustantinoplo

Se saup tambèn qu’uno crous, dito "nestourienno" eisisavo dins lou Tourkestan chinese vers l’an 450. vo en Catalougno au siecle dougèn vo tregèn...

Bibliougrafió noun tras que coumplèto ...