LA VINT-E-CINQUENTO OURO
Èro uno d'aqueli vesprado que lou lendeman ié leissèsse dins la bouco lou goust amar de la cerveso e dòu taba .
Es çò que pensavo quouro intravo dins lou bar .
Aquesto niue, l'ouro chanjavo un cop de mai : à dos ouro, sarié belèu uno ouro !
Amavo bèn aquèu bar mounte venié souvènt : la cerveso èro bono, l'èr pas forço estubassa e la musico coumo l'amavo .
En entrant, saludè lou patroun en s'assetant à la banco .
Aquèu sèns un mot de mai ié apourtavo soun veritable d'Adelscott : counèissié bèn sis abitudo .
Paguè tant-lèu, encaro uno abitudo ...
En escoutant la troumpeto d'Amstrong jouga "Sweet lorraine", devinguè sounjaire ...
Beguè un gourjoun, regardè l'ouro pièi sourtiguè sa pipo pèr la bourra.
L'avènt atuba , pipè uno boufeto sounjaire un cop de mai ...
I'avié pas forço mounde, amavo acò : pousquè ansin escouta, sènso pensa à rèn d'autre, aquesto alangourido meloudìo ....
En escoutè ansin uno desenco ...
Es alor que rentrè : grando, bruno emè un mouroun à dana un sant ...
Venguè s'asseta sus un tabouret proche d'èu e coumandè, em'uno voues que ié faguè un moumen oublida lou soun de la troumpeto, uno cerveso blanchido em' uno roundello de citre .
Pièi sourtènt uno cigaleto, ié demandè se i'avié de fiò .
Que s'afiscè de ié douna ....
Coumençèron alor à parla de musico, s'acabant de fès de loung moumen pèr aprécia un moussèu...
Vers lis dos ouro manc'un quart, sourtè sèns muta.
La seguiguè e caminèron sèns parla en devers la vilo enjusquo bord d'un baus tresploumbant la mar ...
Toujour sèns muta, s'aprouchè du bord e sautè. |
| E la seguiguè.... | |
|
" I'a quaucarèn que vai pas", i'entendiguè alor
Banejant de soun pantai, veguè qu'èro toujour dins lou bar emé en faci lou patroun que ié regardavo estoumaca : | |
| poudié pas coumprendre , es segur... |
Recoumandè uno cerveso. | |
| Èro uno ouro cinq .... |
Espanta, regardè sa mostro e se ramentè alor dòu chanjament d'ouro d'aquello niue...
" N'en proufiches !", diguè au patroun en moustrant la pendulo
" Uno ouro de plus de duberturo, es toujour bon de lou prendre, nàni ?"
" Es segur "
E se ramenteguè à bèure sa cerveso en atubant sa pipo. | |
| Retoumbè ansin dins sa pantaiado beato, quand subretoun... |
Dins la sallo mounte restavon gaire de gens, uno chato entrè ...
Faguè d'abord pas atencioun à ello, ocupa qu'estié d'atuba encaro sa pipo.
Mai en ausigant sa voues meloudiouso, levè la tèsto pèr vèire... la chato que venié de pantaia....
Èro davans èu... |
Se pessuguè cresènt encaro pantaia... |
Mai que nàni, èro bèn realo... |
Coumo dins soun raive , grando, bruno, vestido d'un ensemble negre enraubant au mai près sis formo perfeto ...
Coumo dins soun pantaï, sourtiguè uno cigaleto e ié demandè de fiò em'uno voues suavo ...
S'afiscè de ié douna, sèns poudé parla: semblavo irréau e forçò verai dins lou meme tèms ....
Boulegant sis formo graciouso au soun de la musico, coumencè à dansa touto souleto ....
La rejougnè bèn lèu pèr dansa emé èu ...
Un moument après, sèns prounounça uno paraulo, paguè l'aditioun e sortiguèron dòu bar ensemble .
Caminèron un loung moument en devers la vilo enjusquo bord de la mar . | | |
| Eici, sus lou baus, s'arrestèron un moumenet... | |
| | S'aprouchè dòu bord e sautè e sèns bèn saupre pèr de que, la seguissè... |
|